單車青藏線- 崑崙神泉刷牙
大清早拎埋牙刷,打算去崑崙神泉刷牙。
當地人稱之為聖水,此泉終年突突翻湧,
即使在冷天冰天雪地,泉水仍然從不封凍。
走近神泉,入口處的外觀,
已經跟手上攻略《單車少女闖天路》上的照片有好大出入。
有牌坊,有大門,
以前神泉只係靠在路邊,
現在商業得多。
換言之,裡面早上經已人山人海,
既然我地都有打算去用泉水刷牙,
路上的遊客經已排隊在泉邊洗臉。
而且,佢地洗完臉後既水,
直接倒返落泉水池,
手上仲拎住牙刷既我,
偷偷地放返落袋,
決定影下相就算。
馬大哥:「呵呵,有水喝有水喝。」 |
安全起見,沒有喝崑崙神泉的水,
但馬大哥喝後大讚清甜。
對於我地要踩單車上路,
腸胃狀況對我地十分重要,
一路肚痛一路震係非常痛苦的事情。
如果大家下次坐車上路,不妨一試。
離開神泉,又再重返青藏公路。
沿路多了自駕遊的旅客,
在單車旁邊經過時,
都有為我地打氣。
以下是最常出現的打氣句子:(排名已分先後)
1. 「英雄!加油呀~~~~~~~」
2. 「勇士!加油呀~~~~~~~」
3. 「你們都要入藏嗎?~~~~」
以上句子的尾聲音量會越來越少,
因為車子沒有減速但又堅持繼續為我地打氣,
所以說話會有跌落山崖中途未到底時,
呼喊救命的感覺。
應該會是新景點,遠處望過去,好似玩具。 |
大家有無發現我經已瘦左? |
青藏公路一直走,
今天的終點是西大灘,
去到時又是風雲變色。
一路找住宿,格好價後,
見到澤西狼狽推住單車,
原來出面落冰薄!
往後的日子,
會遇到更厲害的冰薄,
好似打war game一樣的感覺。
今晚睡覺的地方,
對面就是行山著名的地方-玉珠峰。
從床邊望出去,一大片雪山,
靚得似張postcard。
滿地都係冰薄。 |
第一次見冰薄。 |
怪人集中所,相片中央為馬大哥,其手上正是本人的筆記簿,又在偷看。 |
晚上隨意拍,就睇到星星了。 |
玉珠峰 |
--------------
筆者嘉西 跟 好友澤西 於2012年9月從西寧花20多天經青藏線騎單車到西藏,致力把無厘頭帶到西藏。
澤嘉西踩西藏 facebook連結:
筆者嘉西Email: blackka76@yahoo.com.hK