單車青藏線- 不凍泉扎西賓館


單車青藏線- 不凍泉扎西賓館



尋晚才正式組成的踩西藏4人組,
今天攀過了崑崙山,
袁大哥跟馬博士,
體驗了我跟澤西「慢過步行」的上山速度後,
4人組合已正式瓦解了。

咁殘忍?
當然不是,
踩崑崙山後,
我跟澤西都有點氣喘,
好難再跟上袁馬二人的步伐,
只好在原定午飯地點前,
請他們繼續向前,不用再等我們。

其實呢個踩西藏4人組,
並無煙消雲散,
往後既日子,
我同澤西一遇上難題,
佢地兩個雖然一直往前踩,
但都可以形影不離咁突然出現幫忙,
認真恐怖。

崑崙山地震紀念碑

帥哥的背後,螢光綠色的袋子,是台灣一家單車袋品牌給我們的sponsor。

坐著的二人為袁大哥(紫衫)及馬博士(牛仔帽)。

進入可可西里範圍,中間的雕像是藏羚羊。

4767米高的崑崙山。

當我地每個人都享受努力過後,到達山頂的收穫,只有馬博士相反。因為山頂好大風,煙點都唔著。


過了崑崙山,
今天原定午飯的地點是一個叫不凍泉的地方。

但來到這裡經已是下午4點半,
只好先讓袁馬二人先繼續向前踩,
不想再耽誤佢地行程。

以為無機會再見,
臨走前交換聯絡方法,
仲同佢地講,
我返到香港如果有機會寫書,
一定寄本俾佢地。

交換contact途中,
遇到五個徒步去西藏的朋友,
其中一個很靚女,
知道大家今晚會在不凍泉落腳,
相約在前面的小鎮食下午茶。

徒步到西藏的朋友,左面那個隊長實在太有型。

扎西客棧跟札西商店。


這個就是不凍泉,泉眼終年不結冰。

青藏線上,每逢聽到路上景點的漂亮名字,想像同現實落差好大。
就好似不凍泉呢個景點,唔特登去搵,都唔知原來面前呢個池仔就係了。

馬博士送俾我地既哈達,一直掛在車頭。 



下午茶時間到,杯裡的是酥油茶!

又係一晚怪人集中所。


可能去得徒步/騎車到西藏既人,
唔多唔少都係有點奇怪。如果俾60分鐘任何一個怪人作自我介紹的話,
我相信60分鐘內會絕無冷場,
內容會非常動聽。我經常跟身邊人說,
試下可唔可以用十至二十分鐘時間去向一個朋友介紹自己,內容豐富與否,
其實可以幫忙告訴自己,你的人生會不會只是一張白紙。


老闆娘扎西



兼職一晚商店小二。

扎西見我地車頭有哈達,未開口已經給我們特價坐大房,我地一於老實唔客氣,兩個人用盡左6張床。

我覺得扎西非常似 SIMPSONS大電影裡的這個角色。

晚飯後回到大廳跟大家繼續傾計,
老闆娘扎西睇到我手上的攻略書,
問書上有無佢個名,
仔細搵過,
除左無發現扎西賓館的名字外,
好似連相片裡面都搵唔到間賓館,
可能當時間鋪都未起好。

老闆娘:「沒可能沒有我的照片!」
我:「看了真的沒有啊,你2007年開店了嗎?」
老闆娘:「忘記了呀。你回香港後把我的店放進去。」

扎西好可愛,
應承左佢,
回來後一定幫她宣傳。
大家在青藏線,無論自駕遊/騎車/徒步,
請到不凍泉鄉找扎西賓館。

老闆娘看完攻略,
再問:「對了,中國已經打完仗了嗎?」

又下雪了,能看到此景,夫复何求。

還差1000km到拉薩。

--------------
筆者嘉西 跟 好友澤西 於2012年9月從西寧花20多天經青藏線騎單車到西藏,致力把無厘頭帶到西藏。
澤嘉西踩西藏 facebook連結:
筆者嘉西Email: blackka76@yahoo.com.hk



沒有留言:

張貼留言